Ko ‘etau ngaahi lēsoni ki he Sāpate 12-10-14

Ko ‘etau ngaahi lēsoni ki he Sāpate 12-10-14
KO ‘ETAU NGAAHI LESONI KI HE SAPATE 12-10-14
(Mou kataki ka ke faingamalie pea ke laulau hifo he ‘oku malie kotoa mo fekaukau’aki e ngaahi lesoni pea ‘e toe tokoni pe ki ho’o laukonga  ‘o tatau pe ‘oku ke malanga pe ‘ikai ….malo)
SAME 106:1-6, 19-23
 
1 HALELUIA. Fakafeta ʻi kia Sihova; he ʻoku lelei ia; He ʻoku tolonga ʻo taʻengata ʻene ʻaloʻofa. 2 Ko hai te ne malea ʻaki ʻa e ngaahi ngaūe mafi ʻa Sihova, Pe tala hono fakamalo kotoa? 3 Monu ʻiaā ka ko ia ʻoku ne tauhi ʻa e konisitutone, ʻA e taha ʻoku fai totonu ʻi he taimi kotoa pe. 4 Manatu ʻofa mai, ʻEiki, ʻo hange ko hoʻo fai ki ho kakai; Aʻahi kiate au ʻaki hoʻo fakamoʻui: 5 Ke u sio ki he tuʻumalie hoʻo fanga pele na, ʻO fiefia ʻi he fiefia ʻa ho puleʻanga, Pea u polepole fakataha mo ho tofiʻa. 6 Kuo mau hia fakataha mo homau tupuʻanga, Kuo mau fai kovi, kuo mau talangataʻa. …19 Naʻa nau ngaohi ha kafi ʻi Holepi, Pea nau to lafalafa he ʻao ʻo e imisi. 20 Pea nau fetongi ʻa e kololia ʻonautolū ʻAki ʻa e fakatātā ʻo e pulu kai mohuku! 21 Naʻe ngalo honau ʻOtua fakamoʻui, ʻA ia kuo ne fai ʻi Isipite ʻa e ngaahi meʻa lalahi. 22 ‘Io kuo ne fai he fonua ʻo Hami ʻani mana, Meʻa fakailifia ʻi he Tahi Kulokula. 23 Ko ia naʻa ne lau honau fakaʻauha, Ka ne taʻoua ʻa Mosese kuo ne filia ʻene tuʻu ʻi he ava ke talia, ʻO fakaheke hono houhau mei he fakaʻauha.
‘EKISOTO 32: 1-14
1 PEA ʻi he vakai ʻe he kakai ʻoku fakatotoka ʻe Mosese ʻene ʻalu hifo mei he moʻunga, naʻa nau fakataha kia Elone, ʻo nau pehe kiate ia, Tuʻu, ʻo ngaohi mai hatau ʻOtua ke takimuʻa kiate kitautolu; he ko e meʻa ki he siana ni ko Mosese, ʻa ia naʻa ne ʻomi kitautolu mei Isipite, ʻoku ʻikai te tau ʻilo pe 2 ko e ha kuo hoko kiate ia. Pea lea ʻa Elone kiate kinautolu, ʻo pehe, Paki mai ʻa e ngaahi teunga koula ʻa ia ʻoku ʻi he telingaʻo homou ngaahi ʻunoho, mo homou ngaahi foha, mo homou ngaahi ʻofefine, ʻo ʻomi kiate 3 au. Pea naʻe hanga “a e kakai kotoa, ʻo paki ʻi ʻa e ngaahi teunga koula mei honau telinga, ʻo nau 4 ʻomi kia Elone. Pea ne tali ia mei honau nima, ʻo ne tongiʻaki ha tutuʻu, ʻo ne ngaohiʻaki ha kafi ukamea. Pea nau pehe, Ko eni, ʻe haʻa Isileli, ho ʻOtua, ʻa ia ne ne 5 ʻohake koe mei Isipite. Pea ʻi he vakai ki ai ʻe Elone, naʻa ne langa ha olita ʻi hono ʻao, ʻo ne fanongonongo, Ko e kātoanga kia 6 Sihova ʻapongipongi. Pea naʻa nau tutuʻu hengihengi hake, pea nau feia ha ngaahi feilaulaumoifua, pea nau ʻomi mo e ngaahi feilaulauʻofa; pea naʻe nofo ʻa e kakai ʻo kai mo inu kava, pea nau tutuʻu ke va ʻinga. 7 Pea folofola ʻa e ʻEiki kia Mosese, Tuʻu, ʻo ʻalu hifo; he ko ho kakai na, ʻa ia naʻa ke ʻohake mei Isipite, kuo nau fakakaʻanga kinautolu: 8 kuo vave ʻenau afe mei he hala naʻa ku tuʻutuʻuni kiate kinautolu: kuo nau ngaohi hanau kafi ukamea, pea kuo nau lotu ki ai, mo feilaulau ki ai, pea kuo nau lea ʻo pehe, Ko eni, ʻe haʻa Isileli, ho ʻOtua, ʻa ia naʻa 9 ne ʻohake koe mei Isipite. Pea folofola ʻa Sihova kia Mosese, kuo u vakai ʻa e kakai na, pea ta ko e 10 kakai kia kekeva ia: ko ia tukuange muʻa ke kakaha ʻeku ʻita kiate kinautolu, kau fakaʻauha kinautolu, pea te u ngaohi koe ko e kakai lahi. 11 Pea fai ʻe Mosese ke fakamokomoko ki he finangalo ʻo Sihova ko hono ʻOtua, ʻo ne pehe, Ko e ha ʻoku kakaha pehe ai ʻa e tuputamaki ʻa e ʻAfiona ki hoʻo kakai, ʻa ia naʻa ke taki mai mei Isipite ʻaki ʻa e ivi lahi mo e nima malohi? 12 Koeʻumaʻa ke lea ʻe he kau Isipite, ʻo pehe, Ta ko e mala naʻa ne taki atu ai kinautolu, ke fakapoongi kinautolu ʻi he moʻunga, pea ke fakaʻauha kinautolu mei he funga ʻo e kelekele. ʻE, ke lolou muʻa ʻa e kakaha ʻo ho houhau, pea liliu ʻa e 13 mala ki ho kakai. Manatu kia Epalahame, kia Aisake mo Isileli, ko hoʻo kau tamaioʻeiki, ʻa ia naʻa ke fuakava kiate kinautolu ʻi he ʻAfiona, ʻo ke folofola ki ai, ʻo pehe, Te u fakatokolahi homou hako ke tatau mo e ngaahi fetuʻu ʻo e langi, pea ko e fonua ni kotoa kuo u lea ki ai, te u ʻatu ia ki homou hako, pea te nau tofiʻaʻaki ʻo taʻengata. 14 Pea naʻe fakatomala ʻa e ʻEiki ʻi he mala naʻa ne pehe ke fai ki hono kakai.
FILIPAI 4:1-9
1 KO ia siʻoku kainga, ʻa ia ʻoku ou ʻofa mo holi ki ai, ko siʻoku fiefiaʻanga mo kalauni; ke pehe hoʻomou tuʻu maʻu ʻi he ʻEiki, siʻoku ʻofaʻanga. 2 ʻOku ou enginaki ʻa Iuotia, pea ʻoku ou enginaki ʻa Siniteke, ke 3 na loto taha ʻi he ʻEiki. ʻIo, ʻoku ou kole kiate koe foki, ko siʻi kaungā toho palau moʻoni oʻoku, ke ke tokoni ki he ongo fafine ko ia: he naʻa na kaungā fitefitaʻa mo au ʻi he Kosipeli, ʻo hange foki ko Kelemeni, mo hono toe ʻo hoku kaunga ngaūe, ʻa ia ʻoku tuʻu honau ngaahi hingoa ʻi he Tohi ʻo e Moʻui. 4 Mou fiefia ʻi he ʻEiki maʻu ai pe: ʻio, kau toe ʻai atu, Mou fiefia. 5 Ko hoʻomou anga na, ʻa e taʻe te mou haʻaki ʻeke hoʻomou ngaahi meʻa, tuku ke ha ia ki he kakai fulipe. ʻOku tuʻunuku mai ʻa e 6 ʻEiki. Neongo pe ko e ha ʻa e meʻa, ʻoua te mou lotomoʻua ai; ka ʻi he meʻa kotoa pe tuku ke ha ki he ʻOtua hoʻomou ngaahi kole, ʻi he lotu mo e hufia, pea fai mo e fakafeta ʻi. 7 Pea ko e nonga ʻa e ʻOtua, ʻa ia ʻoku mamaʻo ʻi he tatae ʻa e ʻatāmai kotoa pe, te ne malu ʻi homou loto mo hoʻomou ngaahi fakakaukau ʻia Kalaisi Sisu. 8 Ko ʻeku lea fakaʻosi, kainga. ʻIlonga ʻaengaahi meʻa ʻoku moʻoni. ʻIlonga ʻa e ngaahi meʻa ʻoku tāu, ʻilonga ʻa e ngaahi meʻa ʻoku totonu, ʻilonga ʻa e ngaahi meʻa ʻoku maʻa, ʻilonga ʻa e ngaahi meʻa ʻoku fakaʻofoʻofa, ʻilonga ʻa e ngaahi meʻa ʻoku ongoongolelei, ʻio, ka ai ha ʻulungaanga lelei, pea ka ai ha meʻa ʻoku fakamaloʻia, ko e ngaahi meʻa 9 a ke mou tokanga ki ai. ʻIo, ko e ngaahi meʻa naʻa mou ako, mo maʻu, mo fanongoa, mo mamata, ʻiate au, ko e ngaahi meʻa ko ia ke mou fai; pea ʻe toki ʻiate kimoutolu ʻa e ʻOtua ʻoku aʻana ʻa e nonga.
MATIU 22:1-14
1 PEA tali ʻe Sisu, ʻo ne toe lea kiate kinautolu ʻi ha ngāhi 2 fakatātā, ʻo pehe, Kuo tatau ʻa e Puleʻanga ʻo Hevani pea mo ha tangata, ko e tuʻi, ʻa ia naʻa ne fai 3 ʻa e taʻane ʻo hono ʻalo; pea ne fekau atu ʻene kau tamaioʻeiki ke ui ʻa e kakai kuo tala ki ai ʻa e kātoanga: ka naʻe ʻikai te nau fie 4 haʻu. Pea ne toe fekau atu ha kau tamaioʻeiki kehe, ʻo ne pehe, Fakaha kiate kinautolu naʻe tala, Ko eni, kuo u ʻosi teu ʻeku pongipongi: kuo tamateʻi ʻeku fanga pulu, mo ʻeku fanga manu tali ʻeiki, pea kuo napanapangamālie kotoa pe: mou omi ki he taʻane. 5 Ka ka fakava ʻiva ʻingaʻaki ia ʻekinautolu, ʻo nau ʻalu ko e taha ki heʻene ngoue, ko e taha ki heʻene 6 fai fakatau; pea ko e toe naʻa nau puke ʻene kau tamaioʻeiki, 7 ʻo nau paʻusi ʻi mo tamateʻi. Pea houhau ai ʻa e Tuʻi, ʻo ne fekau atu ʻene ngāhi kongakau, ʻo ne fakaʻauha ʻa e kau fakapo ko ia, ʻo tutu 8 ʻenau kolo. Pea toki folofola ia ki heʻene kau tamaioʻeiki, Ko e taʻane kuo teu; ka ko kinautolu naʻe tala ki ai ta naʻe ʻikai te nau 9 tāu. Ko ia mou ō ki he ngāhi manga ʻi hala, pea ʻilonga ha kakai te mou ʻilo ai, tala ke nau haʻu ki 10 he kātoanga. Pea ʻalu atu ʻa e kau tamaioʻeiki ko ia ki he ngāhi hala, ʻo nau tanaki ʻa e kakai kotoa pe naʻa nau ʻilo ki ai, ʻa e kovi mo e lelei fakatouʻosi: pea naʻe 11 maʻopo ʻa e kātoanga. Pea ʻi he meʻa mai ʻa e Tuʻi ke vakai ʻa e kakai naʻe keinanga, naʻa ne ʻilo ai ha tangata kuo ʻikai te ne tui 12 ha kofu taʻane. Pea ne folofola ki ai, Siana, naʻe fēfē hoʻo hu mai ki heni taʻe te ke ʻai hao kofu 13 taʻane? Pea ne moʻu longoa. Pea fekau ʻe he Tuʻi ki he kau sevaniti, Ha ʻi hono vaʻe mo hono nima, ʻo li ia ki he poʻuli ʻo tuaʻā. Ko e potu ia ʻe toki hoko ai ʻa e tangi mo e fengai ʻitaki ʻo e nifo. 14 He ʻoku tokolahi ʻa e ui, kae toko siʻi ʻa e fili
“….KOE FOLOFOLA TONU IA ‘AE ‘EIKII….”

Comments / Tālanga

comments

Powered by Facebook Comments

You must be logged in to post a comment Login