KO 'ETAU NGAAHI FOLOFOLA 'ENI KI HE SAPATE 16-11-2014

KO 'ETAU NGAAHI FOLOFOLA 'ENI KI HE SAPATE 16-11-2014
KO ‘ETAU NGAAHI FOLOFOLA ‘ENI KI HE SAPATE 16-11-2014
 
 
SAME 123
(Ko e Hiva ʻo e ngaahi ʻAluhake.)
 
ʻOKU ou tāngaki hoku mata ki K he ʻAnona, ʻAkoe ʻoku ʻafioʻi langi na. 2 Vakai, hange ʻoku hanga ʻa e mata ʻo e kau tamaioʻeiki ki he nima ʻo honau ʻeiki, Mo e mata ʻo e kaunanga ki he nima ʻo hono fineʻeiki; Pehe ʻa e hanga hotau mata kia Sihova ko hotau ʻOtua ni, Kaeʻoua ke ne ʻofa mai. 3 ʻOfa mai, ʻEiki, ʻofa mai: He kuo mau makona fau ʻi he manuki. 4 ʻOku fuʻu makona fau homau laumalie ʻI he luma ʻa e kakai nofo fiemalie, ʻA e manuki ʻa e kau fieʻeiki pe.
 
 
FAKAMAAU 4 :1-7
 
 
1 PEA naʻe toe fai ʻe haʻa Isileli ʻa e meʻa naʻe tau kovi ki he finangalo ʻo Sihova, hili ʻa e pekia ʻa Ehuti. 2 Pea naʻe fakatau kinautolu ʻe he ʻEiki ki he nima ʻo Siapini koe Tuʻi Kenani, ʻa ia naʻe hau ʻi Hasoa; pea ko e kapiteni ʻo ʻene tau a. Sisela, ʻa ia naʻa ne nofo ʻi Haloseti 3 Senitaile. Pea tautapa ʻa haʻa Isileli kia Sihova: he naʻe ʻiate ia ʻa e saliōte ukamea ʻe hivangeau; pea ko e meʻa fakamamahi ʻene fakamoʻulaloa ʻa haʻa Isileli, ʻo uofulu taʻu. 4 Pea ko Tepola ko e fefine palofita, ko e uaifi ʻo Lapitoti, ko ia ia naʻa ne fai fakamāu ʻi Isileli ʻi he taimi 5 ko ia. Pea naʻa ne nofo ʻi he lolo Paame ʻo Tepola, ʻi he vahaʻa ʻo Lama mo Peteli ʻi he fonua moʻunga ʻo Ifalemi; pea naʻe ʻalu hake kiate ia ʻa haʻa Isileli ke fai 6 honau fakamāu. Pea fekau atu ʻe ia, ʻo ui mai ʻa Pelake ko e foha ʻo Apinoame mei Ketesi Nafitalai, pea ne pehe kiate ia, ʻIkai kuo fekau ʻe he ʻEiki ko e ʻOtua ʻo Isileli, ʻo pehe, ʻAlu ʻo fakatē tau ʻi he moʻunga ko Tepoa, pea ʻalu mo koe ha toko taha mano mei haʻa 7 Nafitalai mo haʻa Sepulone? Pea te u fakatē mai kiate koe ki he luokivai ʻo Kisoni ʻa Sisela ko e ʻeikitau ʻa Siapini, mo ʻene ngaahi saliōte mo ʻene hosite; pea te u tuku ia ki ho nima.
 
1 TESOLONAIKA 5 :1-11
 
1 PEA ko e meʻa ki he ngaahi taimi mo e ngaahi kuonga, kainga, ko e ʻumaʻā haʻamau tohi atu. 2 He ʻoku mou ʻilo kanokano, ko e hoko mai ʻa e ʻaho ʻo e ʻEiki ʻoku hange ko e haʻu ʻa e kaihaʻa ʻi he 3 po. Tokaange ha taimi ʻoku nau pehe, ʻOku tau lelei mo tuʻumalie, fakafokifa ʻoku tuʻu mai ʻa mala, ʻo hange ko e langa ki he fefine feitama: pea ʻe ʻikai ʻaupito te nau 4 hao. Ka talaʻehai ʻoku mou ʻi he poʻuli, kainga, ke moʻutāmakia kimoutolu ʻe he ʻaho ko ia, ʻo 5 hange ha kaihaʻa. He ko e fanau kimoutolu kotoa pe ʻa e maama, mo e fanau ʻa e ʻaho; ʻoku ʻikai ʻa e po kitaua, ʻumaʻā ʻa e poʻuli. 6 ʻAua; pea ke ʻoua te ta mohe ʻo hange ko e kakai kehe, ka ta ʻā pe 7 ʻo fakaʻehiʻehi mei he konā. He ko kinautolu ʻoku mohe ʻoku mohe ʻi he po; pea ko kinautolu ʻoku 8 konā ʻoku konā ʻi he po. Ka ko kitaua ko e kakai ʻo e ʻaho, ko ia ta fakaʻehiʻehi muʻa mei he konā: kaeʻumaʻa kuo ta ʻai ʻa e kofutau ko e tui mo e ʻofa, pea mo e ʻamanaki moʻui moʻota tatātau. 9 He naʻe ʻikai ke tuʻutuʻuni kitaua ʻe he ʻOtua ke houhau ʻia, ka ke lava ʻi mai ʻa e fakamoʻui ʻi hota ʻEiki ko 10 Sisu Kalaisi; ʻa ia naʻa ne pekia koeʻuhi ko kitaua, koeʻuhi, pe ʻoku ta ʻā pe ʻoku ta mohe, kehe ke ta fakataha ʻi he moʻui feangai mo ia. 11 Ko ia ke mou fetokoniʻaki kimoutolu, pea fefaiʻaki homou langa hake, hangeā foki ʻoku mou fai.
 
 
MATIU 25 :14-30
 
14 He ko e Puleʻanga ʻo Hevani ʻoku hange ko ha tangata naʻe teu ʻalu ki muli, pea ne ui ange ʻene kau tamaioʻeiki aʻana, ʻo ne tuku kiate kinautolu ʻene koloa. 15 Ko e toko taha naʻa ne ʻange ki ai ʻa e taleniti ʻe nima, pea ua ki he toko taha, pea taha ki he toko taha; ʻo fakatatau ki heʻenau mafai taki taha; pea ne ʻalu 16 leva ki muli. Pea ʻalu ʻa ia naʻa ne maʻu ʻa e taleniti ʻe nima, ʻo ne ngaūeʻaki ia, ʻo ne fakatupuʻaki ha nima kehe. 17 Pehe foki mo ia naʻe aʻana ʻa e ua, naʻa ne 18 maʻu mo ha ua kehe. Ka ko ia naʻa ne maʻu ʻa e taha, naʻa ne ʻalu leva ʻo keli ha luo, ʻo ne fufū ai ʻa e paʻanga a ʻene ʻeiki. 19 Pea fuoloa fuoloa pea haʻu ʻa e ʻeiki ʻa e kau tamaioʻeiki ko ia, ʻo 20 ne sivi ʻenau tohi. Pea ʻunuʻunu mai ʻa ia naʻa ne maʻu ʻa e taleniti ʻe nima, ʻo ne haʻu mo ia mo ha taleniti kehe ʻe nima, ʻo ne pehe, ʻEiki, naʻa ke tuku mai ha taleniti ʻe nima: vakai, kuo u maʻu 21 mai mo ha nima kehe. Pea meʻa mai ʻe heʻene ʻeiki, Malo, siʻi tamaioʻeiki lelei mo lototō; kuo ke lototō ʻi hoʻo pule ki ha ngaahi meʻa siʻi, te u fakanofo koe ke pule ki ha ngaahi meʻa lahi: hū koe ki he fiefiaʻanga ʻo hoʻo 22 ʻEiki. Pea ʻunuʻunu mai mo ia naʻe aʻana ʻa e taleniti ʻe ua, ʻo ne pehe, ʻEiki, naʻa ke tuku mai ha taleniti ʻe ua: vakai kuo u 23 maʻu mai mo ha ua kehe. Pea meʻa mai ʻene ʻeiki, Malo, siʻi tamaioʻeiki lelei mo lototō; kuo ke lototō ʻi he pule ki ha ngaahi meʻa siʻi, te u fakanofo koe ke pule ki ha ngaahi meʻa lahi: hū koe ki he fiefiaʻanga ʻo hoʻo ʻeiki. 24 Pea ʻunuʻunu mai mo ia kuo ne maʻu ʻa e taleniti ʻe taha, ʻo ne pehe, ʻEiki, ne u ʻilo koe ko e tangata faingataʻa; ko hoʻo anga ke utu ʻi he potu naʻe ʻikai te ke to taʻu ai, pea ke tanaki ʻi he potu 25 naʻe ʻikai te ke ʻauʻau ai: pea u manavahe, pea u ʻalu ʻo fufū hoʻo taleniti ʻi he kelekele: ʻe, ko ena ā 26 hoʻo meʻa. Ka ka tali ʻe heʻene ʻeiki, ʻo ne folofola mai, ʻA e tamaioʻeiki pauʻu mo fakapikopiko! naʻa ke ʻilo koā ʻoku ou utu ʻi he potu naʻe ʻikai te u to taʻu ai, pea tanaki ʻi he potu 27 naʻe ʻikai te u ʻauʻau ai, ʻo? pea naʻe mei totonu ai ke ke lii ‘a ʻeku paʻanga ki he kau tauhi pangikē; pehe kuo u maʻu mei ai ʻeku meʻa, mo hono fua foki, ʻi 28 heʻeku haʻu ni. Ko ia mou toʻo ʻa e taleniti meiate ia, pea tuku kiate ia ʻoku maʻu ʻa e hongofulu. 29 He ʻilonga ha taha ʻoku maʻu ha meʻa ʻe ʻange ki ai mo ha meʻa, pea te ne hulu atu: ka ko ia ʻoku ʻikai ke maʻu, naʻa mo e meʻa ʻoku ne maʻu ʻe toʻo meiate ia. 30 Ka mou li ʻa e tamaioʻeiki taeʻaonga ki he poʻuli ʻo tuaʻā. Ko e potu ia ʻe toki hoko ai ʻa e tangi mo e fengai ʻitaki ʻo e nifo.
…KOE FOLOFOLA TONU IA ‘AE ‘EIKI…..

 

Comments / Tālanga

comments

Powered by Facebook Comments

You must be logged in to post a comment Login